Lærling helsefag

Solund kommune har som mål å rekruttere ein lærling i helsefag for perioden 2025 - 2027.
Vi har god erfaring med lærlingar, og kan tilby 2 års læretid med oppstart hausten 2025.

For lærling i helsefag vil vi tilby variert praksis på alders- og sjukeheim, heimetenesta og tenesta for psykisk utviklingshemma.
I helse og omsorgssektoren har vi mange dyktige medarbeidarar som vil ta godt vare på deg som ynskjer å bli ein god helsefagarbeidar.
Som lærling vil du få eigen fagleg ansvarleg som fylgjer opp læreløpet saman med deg, samt rettleiarar i avdelinga som føl opp med rettleiing og opplæring i dei daglege gjeremåla.

Krav til stillinga:

• godkjent politiattest før tiltreding
• må kommunisere godt på norsk både munnleg og skriftleg
• fullført og bestått vidaregåande 1 og 2 innan helsefag
• bør ha førarkort kl. B sidan oppgåvene ved læreplassen er knytt til heimetenesta i kommunen

Vi tilbyr:

• løn som lærling etter gjeldande regelverk
• god pensjonsordning i KLP
• eit spanande og godt arbeidsmiljø med varierte arbeidsoppgåver
• fagmiljø i eit godt team
• hjelp til å finne passande bustad

Aktuelle kandidatar vert kalla inn til intervju.

Vi håpar du har lyst til å fortsette vegen mot fagbrev hos oss og sender ein søknad!

Offentleg søkjarliste:

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Solund kommune nyttar elektronisk søknadssystem. For å søkje på stilling hjå oss, må du opprette eigen brukeridentitet og passord i EasyCruit.

Velkomen som søkjar! 

Solund kommune har vurdert marknadsføring av stillinga, og ynskjer berre kontakt med søkjarar.