Driftsteknikar

Solund kommune søkjer etter ny driftsteknikar til eininga Plan og tekniske tenester. Eininga har ansvar for drift og vedlikehald av det kommunale vegnettet på om lag 65 kilometer, grøntområda våre – inkludert idrettsanlegg – dei kommunale kaiane og bygga våre. Vidare har vi ansvar for drift og vedlikehald av det kommunale VA-anlegget. Vi har òg ansvar for alle kommunale investeringsprosjekt, kommunalt planarbeid og forvaltningsoppgåver innan kart og oppmåling, byggesak, vilt, miljø og landbruk. Ansvaret for Solund brann og redning ligg òg til eininga.

Arbeidsoppgåver i stillinga

• Vedlikehald av det kommunale vegnettet.
  • Utføre kantslått og naudsynte punktutbetringar i asfaltdekke
  • Sikre god drenering av overvatn i kantgrøfter og stikkgrøfter
  • Fjerne strøsand og brøytestikker om våren
  • Snøbrøyting og strøing med traktor eller bil når kontraktør treng hjelp for å ta unna.  
  • Montering av kommunale skilt
  • Gje innspel til vedlikehaldsplan og budsjettarbeid  
  • Drift og vedlikehald av det kommunale VA anlegget.
    • Utføre kontrollar og overvåking av vasskvalitet, samt prøveuttak
    • Delta i feilretting, reparasjonar  og førebyggjande vedlikehald
    • Bidra i anleggsarbeid, spesielt knytt til lekkasjesøk
    • Vedlikehald av ventiler og kummer.
    • Vedlikehald av idrettsanlegget og grøntareal
      • Organisere slått av plenar i samsvar med instruks for kvart enkelt område
      • Klipping av busker og trer  
      • Bidra ved behov i vedlikehaldet av kommunale bygg og kaiar.
      • Ha beredskapsvakt i 5 delt teknisk vakt ordning 

Kvalifikasjonar

• Fagbrev som maskinførar, mekanikar, røyrleggjar, tømrar, elektrikar eller anna relevant kompetanse for å utføre arbeid innanfor dei omtalte arbeidsområda.
• Erfaring med traktor og ulike reiskapar er sterkt ynskjeleg
• Generell god teknisk innsikt og praktisk forståing
• Relevant praktisk erfaring
• Beherskar data og
• Erfaring frå prosjektleiing er ynskjeleg, men ikkje eit krav
• Sertifikat klasse B (gjerne BE og C)

Eigenskapar

• Strukturert og nøyaktig.
• God lagspelar og samstundes god evne til å jobba sjølvstendig.
• Høg arbeidsmoral, fleksibel og får jobben gjort.
• Godt humør, raus og evnar å bidra til å oppretthalde det gode arbeidsmiljøet vårt

Vi tilbyr

• Spanande og variert arbeidskvardag
• Godt arbeidsmiljø i ein uformell gjeng med mykje humor
• God opplæring
• Mulighet for kompetanseutvikling og fleire spanande arbeidsoppgåver for den rette
• Viktig og veldig synleg samfunnsoppdrag
• Trivelege innbyggjarar som bidreg til å gjera Solund til ein god stad for ungar å veksa opp og for oss vaksne å leva her
• Gunstige pensjons- og forsikringsordningar gjennom KLP. Les meir om medlemsfordelane i KLP her
• Løn etter kompetanse og erfaring
• Frå 2026 vil du få sletta 25 000 kroner av studielånet ditt når du har budd 1 år i Solund. Les mer her.
  

Det er ynskjeleg at du vert brannkonstabel i Solund Brann- og Redning, men dette er ikkje eit krav. Det vil vere mogeleg å få ei god formell utdanning innan dette fagfeltet. 

Søknadsfrist 1.desember 2025. Me har mål om snarleg tilsetting.

Vi gjer merksam på at søkjarliste er offentleg informasjon. Du kan be om at namnet vert unnateke offentlegheit, men då må du grunngje dette skriftleg, jf. § 25 i offentleglova. Om kommunen ikkje kan innvilge søknaden, vil du bli varsla før søkjarlista vert ferdigstilt. 

Velkomen som søkjar!

Solund kommune har vurdert marknadsføring av stillinga, og ynskjer berre kontakt med søkjarar.