Vaktmeister grøntareal Hardbakke

Solund kommune er på jakt etter ein driftig og engasjert person som har teft for det lille ekstra.
Stillinga omhandlar utvendig vedlikehald av grøntareal på Hardbakke gjennom sommarhalvåret, i første omgong plen- og kantklipping, men med moglegheit for utvida ansvar dersom ein viser seg kyndig og har interesse for auka arbeidsoppgåver og stillingsprosent.

Tildelt grøntareal på Hardbakke skal klippast ein gong i veka. Arbeidstakar får sjølv friheit til å velje når dette skal gjennomførast, så lenge estetisk kvalitet er av akseptabel standard. Ein estimera om lag 5-7 timar i veka i arbeidsomfang.

Ein er sjølv ansvarleg for naudsynt vedlikehald av utlevert utstyr, til dømes vask og rensk.
Arbeidstakar får tildelt ein konto ein kan nytte til å handle drivstoff og olje til utstyr, med meir.

Arbeidstakar vil arbeide under Plan og tekniske tenester hjå Solund kommune og få naudsynt opplæring og oppfølging.

Arbeidsoppgåver:

• Plen- og kantklipping av offentlege grøntareal på Hardbakke.
• Naudsynt vedlikehald av utlevert utstyr.
• Fleksibilitet til også å kunne ta andre relevante oppgåver ved behov.

Personlege eigenskapar:

• Positiv, engasjert og ansvarsfull.
• Kan arbeide sjølvstendig, og handtere tildelt ansvarsområde

Ein oppfordrar ungdom over 16 år til å søke.

Vi tilbyr:

• Løn i følgje tariff.
• Moglegheit for personleg vekst.
• God opplæring og oppfølging.
• Gode referansar for neste steg inn i arbeidslivet.
• Godt arbeidsmiljø

Offentleg søkjarliste

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Velkomen som søkjar!

Solund kommune har vurdert marknadsføring av stillinga, og ynskjer berre kontakt med søkjarar.