Ny start! Nytt bygg! Er du den nye læraren?

Ca 85 elevar og tilsette ved Solund barne- og ungdomskule skal flytte inn i nytt bygg til skulestart august 2025.

To bygg skal verte eitt. Elevgruppa får tenlege undervisningsrom og heilt nytt uteområde. Personalgruppa får felles personalavdeling og gode arbeidsforhold. Heile bygda får eitt nytt bibliotek og lokale som ligg til rette for kulturskulen og andre arrangement på ettermiddagstid.  Med andre ord: Ny start der alt ligg til rette for læring, meistring og utvikling. Vi som skal ha arbeidsplassen her får vere med å bygge ny praksis.  Det nye skulebygget rommer, i tilegg til undervisningsrom for ungdomskulen, speisialromma kunst og handverk, musikk, naturfag og skulekjøkken. Biblioteket og amfiet ligg sentralt i bygget. 

Skulen ligg i kommunesenteret, Hardbakke, med nærleik til sjø og anna kystnatur. Vi har eigen skulebåt som vert nytta av både barnehagen og SFO.

Elevrådet fortel
Vi har varmt fellesmåltid for alle trinn. Det vert servert ulike rettar; ostesmørbrød, havregrynsgraut, taco, fiskeburger, ovnsteikt lask med poteter og salat, mm. Fellesmåltidet er organisert med 2 måltid pr. mnd. for alle trinn.

Det skal verte kjekt å få eit nytt å fint skulebygg! Og vi gledar oss til eit nytt og fint uteområde!

Har fleire kjekke tradisjonar, som for eksempel Santa Lucia der 6.trinn, som har mat og helse, har ansvar for å bake Luciakaker og dele ut til medelevar, fotballturnering om våren og samarbeidet med barnehagen og fadderordninga med dei som skal begynne på skulen.

Arbeidsoppgåver

• Vere ein trygg vaksen med god klasseleiing
• Planlegge, gjennomføre og evaluere variert og relevant undervisning
• Vere med og skape eit trygt, strukturert og inkluderande læringsmiljø der alle opplever meistring og læring
• Samarbeide med kollega, leiinga og eksterne samarbeidspartar
• Bidra i skulen sitt arbeid med å skape fellesskap og fagleg utvikling.

Kvalifikasjonar:

• Godkjent lærarutdanning for 1.-7.trinn
• Undervisningskompetanse i grunnleggande norskopplæring
• Undervisningskompetanse i  praktisk estetiske fag som musikk og kunst og handverk. Kulturskulen og skulen har erfaring med å samarbeide om lærar-ressursane.
• Gode ferdigheiter i skriftleg og munnleg norsk
• Anna undervisningskompetanse vert vurdert.
• Søkjar med utanlands utdanning må vere NOKUT vurdert

Solund barne- og ungdomskule har 

• små klassar med kjekke elevar
• idrettsbygg med volleyballhall
• vatn i bassenget frå haustferien til ut april
• gåavstand til Solund idrettspark med fotball- og friidrettsbane, klatrepark og diskgolfbane. 
• ingen kø eller parkeringsvanskar
• nynorsk skriftsspråk
• engasjert elevråd
• personalgruppe med samansett erfaring

Vi tilbyr

• Å vere del av utviklingsarbeidet med å bygge inkluderande og fagleg skulemiljø frå starten.
• I denne stillinga har du rett på ei av Noregs sikraste pensjonsordningar: Offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. 
  
• Hjelp til å finne bustad
• Hjelp til å finne arbeid til partner
• Løn etter tariff
• Frå 2026 vil du få sletta 25 000 kroner av studielånet ditt når du har budd 1 år i Solund. Les meir om den nye ordninga her

Her finn du meir om oss:

Solund Nyheter på facebook: Solund nyheiter   

Solund kommune instagram

Kva skjer på fritida?

• Fleire aktive lag som organiserer aktivitetar på dugnad. Sjå omfanget her
• Ønskjer du å starte eller leie ein aktivitet er du velkomen til det.
• Nytt og velutstyrt treningssenter
• Variert natur der du kan bruke sjøen, gå Nordsjøløypa eller opp på ein (liten) fjelltopp.
• Dagstur til Sognesjøhytta med utsikt over Sognesjøen/-fjorden.
• Oppdage at det bur fleire enn du trur som er unge vaksne
• Konsertar, basar, quiz og pub-kveld eller rett og slett ein dagstur med ekspressbåten til Bergen.

Ved tilsetjing vert det krevd politiattest, ikkje eldre enn 3 mnd.